Akit ineriartornerat
Atortussat akii
Sanaartornermi aningaasartuutinut naleqqersuummik misissuinermi atortussat 450 missaanittut ilanngunneqarput. Nunatsinni sanaartugassanik eqqussuinerpaat akinut allattorsimaffiutaanniit akit aaneqartarput. Danskit suliffeqarfiutaannit nunatsinnut eqqussuinerpaanik akinik ataasiakkaanik aallertoqartarpoq, assersuutigalugu fliset igalaallu. Nioqqutissaq nunguttoq taarserneqaraangat naatsorsorneqartunut taarsiunneqartarpoq.
Angallassinermi aki
Nioqqutissat sanaartornermi atorneqartut angallannerisa akiisa ineriartorneri Royal Arctic Line A/S-ip akigititai malillugit naatsorsorneqarput.
Sulinermi akissarsiat
Nunatsinni suliffeqarfiit akissarsianut takussutissaateqanngimmat, danskit akissarsianut kisitsisaataasa ineriartorneri malinneqarput. Periuseq taanna nunatsinni sanaartornermi aningaasarsiat ineriartornerinut eqqortumik takutitsisutut nalilerneqarpoq.